Во рамките на соработката меѓу Адвокатската комора на Република Северна Македонија и Агенцијата за катастар на недвижности беше разгледана можноста  да се организираат обуки за адвокати – нови корисници на електронските услуги на Катастарот.

Обуките би биле наменети за адвокатите кои сакаат да добијат пристап и практично да се запознаат со начинот на користење на електронскиот систем на Агенцијата за катастар на недвижности.

Од страна на Агенцијата беше посочено и дека во тек е имплементација на нов систем, чија цел е надминување на досегашните технички и оперативни предизвици, како и унапредување на достапноста и ефикасноста на електронските услуги.

Со цел да се утврди интересот за организирање на вакви обуки, Адвокатската комора ги повикува заинтересираните адвокати да се пријават на електронската адреса Оваа е-адреса е заштитена од спамботови. Треба да ви е овозможено JavaScript за да ја видите..

Во зависност од бројот на пријавени адвокати, дополнително ќе бидат разгледани можностите за организирање на обуките, за што заинтересираните ќе бидат навремено известени.