На средбата со поздравен говор се обратија претседателот на АКРСМ, г-дин Љубомир Михајловски и директорката на Академијата за судии и јавни обвинители, г-ѓа Наташа Габер-Дамјановска. Свое обраќање имаа и г-ѓа Софи Квасни, раководител на одделот за заштити на лични податоци при Советот на Европа, г-дин Имер Алиу, директор на Дирекцијата за заштита на лични податоци и г-ѓа Валентина Боз, проектен координатор на ХЕЛП Програмата за Западен Балкан, како и националните тутори г-ѓа Јелена Ристиќ и г-а Александра Стојановска Тасевска. На средбата присуствуваa 50 адвокати и 12 судии.
Денеска исто така се одржа свечено доделување на сертификати за првиот курс на тема „Права на заштита на податоци и приватност". Двомесечниот курс успешно го завршија вкупно 45 адвокати. На доделувањето присуствуваа и се обратија г-дин Љубомир Михајловски, претедател на АКРСМ, г-ѓа Софи Квасни, раководител на Одделот за заштити на лични податоци при Советот на Европа, г-ѓа Валентина Боз, проектен координатор на ХЕЛП Програмата за Западен Балкан, г-ѓа Билјана Тошева, извршен директор на АКРСМ, г-ѓа Јелена Ристиќ и г-ѓа Александра Стојановска Тасевска, национални тутори.
Во организација на Адвокатската комора на РСМ досега се одржаа повеќе ХЕЛП курсеви од областа на човековите права при што со сертификати за успешно завршен курс се здобија повеќе од 200 адвокати.