Адвокатската комора на РМ ги повикува своите членови да се пријават на Адвокатските спортски игри 2018.

Екипите ќе се натпреваруваат во дисциплините фудбал, кошарка, шах, пинг понг, пикадо, влечење јаже и сл.

Адвокатските спортски игри на ниво на Република Македонија ќе се одржат во периодот од 6-7 октомври 2018 година (сабота и недела), во хотелот „Сириус“ во Струмица. Одржување на  спортскиот дел е предвидено во сабота (6 октомври) во салата на ОУ „Даме Груев“, близу хотелот „Сириус“.

Учесниците плаќаат котизација во висина од 1.000 денари за едно ноќевање (сабота), додека за две ноќевања (за учесниците кои би пристигнале во петок - 5 октомври) котизацијата изнесува 3.000 денари. Сместувањето е во двокреветни соби.  Остатокот од вкупната цена  која содржи ноќевање и полн пансион, изнајмување на спортска сала, како и спортски маички го покрива Адвокатската комора на Република Македонија.

Котизација се уплаќа на трансакциската сметка на Комората - 300 000 001 142 696 , Комерцијална банка АД Скопје,  со цел на дознака „За спортски игри.“

Сите заинтересирани учесници да се пријават во Адвокатската комора на Република Македонија на е-маил. Оваа е-адреса е заштитена од спамботови. Треба да ви е овозможено JavaScript за да ја видите. . Адвокатите кои немаат уредно подмирена членарина немаат право на учество.