Адвокатската комора на Република Северна Македонија и Програмската канцеларија на Советот на Европа во Скопје со поддршка на проектот „За консолидиран и поефикасен систем за бесплатна правна помош (БПП) во Северна Македонија“ и проектот “Зајакнување на активностите против трговија со луѓе во Северна Македонија„ кофинансирани од Европската Унија и Советот на Европа организираат дводневна обука на тема „Обезбедување на бесплатна правна помош во Северна Македонија, со фокус на жртвите на трговија со луѓе“.

Обуката ќе се одржи со физичко присуство во Скопје, на 08 и 09 мај 2025 година, во просториите на програмската канцеларија на Советот на Европа (Деловен центар Соравиа, Филип Втори Македонски 3, 1000 Скопје).

Оваа обука е отворена за сите заинтересирани адвокати, а по комплетирањето на истата, адвокатите ќе се стекнат со Сертификати за успешно завршена обука.

Материјалите за конкретната обука „Обезбедување на бесплатна правна помош во Северна Македонија со фокус на жртвите на трговија со луѓе“ се изработени од домашни консултанти во рамките на гореспоменатите проекти на Европската Унија и Советот на Европа.

Рокот за регистрација на заинтересираните адвокати за горенаведената обука е до 20 април 2025 година и истите своето учество можат да го пријават на следната е-маил адреса: Оваа е-адреса е заштитена од спамботови. Треба да ви е овозможено JavaScript за да ја видите.

Учесниците ќе бидат прифаќани врз основа на принципот: прв пријавен – прв услужен. На пријавените адвокати дополнително ќе им биде испратена агендата и материјалите за обуката.

*Напомена:

За оваа обука предвидено е надоместување на патните трошоци и трошоците за сместување на учесниците кои доаѓаат од другите градови од државата.