Вишиот управен суд по однос на  примена на член 86 од Закон за управни спорови (Службен весник на РСМ бр.96/2019) за досудување на трошоци во управен спор, со мнозинство гласови го усвои следниот:

З А К Л У Ч О К

1. Согласно член 8 точка 10 од Адвокатската Тарифа која се однесува за награда за пишување писмени состави (поднесоци) таа за управен спор да се досудува во износ од 7.000,00 денари
2. Понатаму да се досудува предвиденото во став III точка 1 од истата, односно:

• За застапување и одбрана, награда да се досудува како за состав на поднесок и саатнина од 20% за секој започнат час, освен за глава II точка 2,3 и 4

3. IV Награда за состав на правен лек – да се досудува како е предвидено во АТ, односно за состав на редовен и вонреден правен лек и одговор на редовен и вонреден правен лек, наградата да се досуди за 50% поголема од наградата за застапување или одбрана, а ако адвокатот не учествува на расправа или претрес, наградaта за 100% зголемена, освен за глава II точка 2,3 и 4.
4. Исто така да се досудува и 30 % паушал согласно глава VI од заедничките одредби на Адвокатската тарифа, освен за глава II точка 2,3 и 4 (кај бесплатна правна помош).

ВИШ УПРАВЕН СУД, СЕДНИЦА НА СУДИИ