Педесет и три нови адвокати во рамки на свечена церемонија која се одржа на 15.06.2017, во Скопје, се здобија со лиценци за вршење на адвокатската дејност во јунска сесија 2017 година.
На свеченоста се обрати заменик претседателот на Адвокатската комора на РМ (АКРМ), г. Боро Тасевски, кој во името на Адвокатската комора на РМ на новите адвокати им посака многу успех во работата и им порача да го штитат достоинството и угледот на адвокатурата.

Адвокатите дадоа свечена заклетва дека должноста ќе ја вршат совесно и дека ќе се придружуваат на Уставот, законите, меѓународните договори ратификувани во согласност со Уставот, Статутот на Комората, Кодексот на адвокатската етика и дека во сите свои постапки ќе внимаваат на угледот на адвокатурата како јавна служба.