Адвокатската комора на Република Северна Македонија ги повикува своите членови да се пријават за учество на овогодинешните Адвокатски спортски игри, кои ќе се одржат на 14 ноември 2026 година (сабота) во хотелот „Гранит“ во Охрид.

Сместувањето на учесниците е организирано во двокреветни, трокреветни и четирикреветни соби, во зависност од расположливиот капацитет на хотелот.

• Цената за две ноќевања со полн пансион изнесува 6.500 денари. Пристигнувањето е на 13 ноември (петок), а заминувањето на 15 ноември (недела). Услугата започнува со вечера во петок.
• Цената за едно ноќевање со полн пансион изнесува 4.000 денари. Пристигнувањето е на 14 ноември (сабота), а заминувањето на 15 ноември (недела).

Екипите ќе се натпреваруваат во фудбал, кошарка, шах, влечење јаже, пинг-понг, адвокатска трка и други спортски дисциплини, во зависност од интересот и бројот на пријавени учесници за секоја дисциплина.

Сите заинтересирани учесници треба да се пријават на адресата на Адвокатската комора Оваа е-адреса е заштитена од спамботови. Треба да ви е овозможено JavaScript за да ја видите., најдоцна до 05 ноември 2026 година. Кон пријавата на имеил задолжително треба да се достави и доказ за извршена уплата. 

Котизацијата за учество се уплаќа на трансакциската сметка на Адвокатската комора:

Трансакциска сметка: 300 000 001 142 696
Банка: Комерцијална банка АД Скопје
Цел на дознака: „За спортски игри“

Пријавите ќе се прифаќаат според принципот „прв пријавен – прв услужен“, до исполнување на расположливиот капацитет на хотелот.